Kami
agi ingat 7 taun ti udah lalu. Kami kediri berani ke depan ngelaban
perintah parti ketua kaum melanau ketegal ka ngerampas menua kami, tanah
kami, rumah panjai kami tepaksa nyadi mangsa kerakusan ketua penjajah
kaum melanau.
Akhirnya rumah panjai kami
runtuh menyembah bumi. kami agi ingat, kami nadai daya tepaksa lari
ngiga penempat baru. kami agi ingat..~ induk Dara rumah panjai ~ cukup
pedis kami beperang ngelaban parti ketua kaum melanau maia nya, ai mata
kami nyadi ke saksi di bai kami betemu ngau tuhan jesus. nadai siko
kitak anak-anak iban ke maioh dlm tu ka mantu kami.
Kami cukup merinsa
maia nya beperang mina ke bisi periuk asi kena kami nyumai manduk asi
ngau lauk sekumbang ke sebulan kena ngenan ke tulang diri maia utai tu
nyadi maia nya.
Kami agi ingat. pemesai pemaioh bangsa kitai iban ke
ngempu menua sarawak, nadai siko berani ngau kami maia tu.
Ukai ka
ngungkit tapi saja kami ka ngingat ke maia sari nya. kami agi ingat, tu
meh Bangsa kami anak-anak iban, semua nemu kami benung beperang ngadai
nyawa ngelaban ketua kaum melanau parti BN.
Tapi kasih, sayau amai nadai
siku ka mantu nulung kami. semua nemu tapi ngaga diri nda ninga. semua
mansa meda tapi ngaga diri nda meda.
Akhirnya rumah panjai kami di alah
ke polis ngau askar upahan ketua penjajah kaum melanau taib ketua parti
BN.
Rumah panjai kami pan runtuh nyembah tanah teberunsai baka kota
rentap ba atas bukit saduk, kami agi ingat....
No comments:
Post a Comment
Note: Only a member of this blog may post a comment.